(روز نامہ قدس ۔آنلائن خبر رساں ادارہ ) مقبوضہ فلسطین میں صیہونی ریاست کے ظلم و جبر کے خلاف فلسطینی باشندوں کی ہر سطح پر مزاحمت جاری ہے، اسرائیلی زندانوں میں بغیر کسی جرم کے پابند سلاسل ہزاروں فلسطینی قید ہیں، اسرائیل کے جیل ابو دیس میں انتظامی قید کاٹنے والے فلسطینی حدیفہ بدر کی صیہونی ریاست کے ظالمانہ قوانین کے خلاف مسلسل 39 ویں روز بھوک ہڑتال جاری ہے۔
صیہونی فوج نے تین ماہ قبل حدیفہ بدر کو مقبوضہ بیت المقدس کےعلاقے جنین میں ان کے گھرسےگرفتارکیا تھا، صیہونی فوج نے جنین میں گھرگھر تلاشی کے نام پر روایتی لوٹ مار اور توڑپھوڑ کی اورایک تیرا سالہ بچے یوسف العمران اور حدیفہ بدر سمیت چار فلسطینیوں کو گرفتار کیا تھا۔
حدیفہ بدرکو پہلے ایک ماہ کیلئے انتظامی قید کے تحت حراست میں رکھا گیا سزا کی معیاد پوری ہونے کے بعد اس میں ایک ماہ کی توسیع کی گئی جس پر حدیفہ بدر نے بھوک ہڑتال کا اعلان کردیا لیکن صیہونی ریاست کی جانب سے کسی قسم کی شنوائی نہیں کی گئی تاہم حدیفہ بدر کا کہنا ہے کہ انتظامی قید کے خلاف اس وقت تک بھوک ہڑتا جاری رہے گی جب تک انکو بلا جوازقید سے رہا نہیں کیا جاتا ،حدیفہ بدر کی بھوک ہڑتال 39 ویں روز میں داخل ہوگئی ہے ۔