انسانی حقوق مرکز فلسطین کا کہنا ہے انتخابات کا انعقاد بذات خود کوئی مقصد نہیں بلکہ یہ معاشرے میں انتشار ختم کرنے کا ایک ذریعہ ہوتا ہے تاکہ شہری سیاست اور انتظامی امور میں شریک ہو سکیں اور پرامن انداز میں انتقال اقتدار کو ممکن بنایا جا سکے۔
مرکز نے فتح، حماس اور بائیں بازو کی تمام سیاسی جماعتوں سے مطالبہ کیا کہ سیاسی اختلافات کو ختم کرنے کے لیے فوری عمل کرنا ضروری ہو گیا ہے۔ مرکز نے کہا کہ سب سے پہلے کم از کم ایک شفاف انتخابات کے انعقاد پر اتفاق ضروری ہے۔
مرکز نے مطالبہ کیا کہ فلسطینی قومی مفاہمت کے بغیر انتخابات ہرگز منعقد نہ کرائے جائیں۔ مرکز کے بہ قول قومی مفاہمت کے لیے تمام جماعتوں کا کردار لازم ہے۔
مرکز نے زور دے کر کہا کہ انتخابات کا انعقاد سیاسی نظام کے لیے مفید نہیں بلکہ نقصان دہ ثابت ہو گا۔
بیان میں اس بات پر زور دیا گیا کہ انتخابات صرف قومی مفاہمت کے بعد ہی بامقصد ثابت ہونگے ۔ سیاسی مفاہمت کے بغیر انتخاات سے قوم میں دوریاں مزید بڑھیں گی۔
مرکز انسانی حقوق نے کہا کہ سیاسی مفاہمت اور قومی مفاہمت کے درمیان فرق ہے۔ قومی مفاہمت سیاسی تقسیم میں بھی حاصل ہوسکتی ہے تاہم سیاسی مفاہمت قومی مفاہمت کے بغیر ممکن نہیں۔