ئیلی فوج نے انکشاف کیا ہےکہ اس کا ایک فوجی اہلکار گذشتہ پیر سے لاپتہ ہے.صہیونی فوجی ذرائع کے مطابق لاپتہ فوجی کی تلاش کے لیے اس کی اپنی یونٹ کےعلاوہ دیگر فوجی کمانڈوز بھی کوششیں جاری رکھے ہوئے ہیں تاہم تاحال یہ معلوم نہیں ہو سکا کہ آیا فوجی کیسے اور کہاں لاپتہ ہوا ہے. اسرائیلی اخبار”معاریف” کے مطابق لاپتہ ہونےوالے فوجی العریف بوگڈان چیرکوف کے ساتھ پیر کے روز دوپہر کو را بطہ ہوا تھا جب وہ تل الربیع سے ایک بس کےذریعے بیت شمیش کی جانب جا رہا تھا. تاہم اس کے بعد وہ اپنی منزل مقصود تک نہیں پہنچ سکا. خیال رہے کہ صہیونی فوجی کی روپوشی کا یہ واقعہ ایک ایسے وقت میں پیش آیا ہے جب حال ہی میں صہیونی ذرائع ابلاغ اور فلسطینی اتھارٹی یہ دعویٰ کر چکے ہیں کہ حماس صہیونی فوجیوں کو اغوا اور قتل کی بھرپور صلاحیت رکھتی ہے اور کسی بھی وقت صہیونی فوجیوں کواغواء کیا جا سکتا ہے.