(روزنامہ قدس ۔آن لائن خبر رساں ادارہ)قابص صیہونی فوج نے مقبوضہ بیت المقدس میں ایک اور فلسطینی نوجوان کو گولیاں مار کرشہید اور دوسرے کو زخمی کردیا ہے۔
وزارت صحت کی جانب سے جاری بیان میں کہا گیا ہے کہ مقبوضہ بیت المقدس کے شہر الخلیل کے جنوبی علاقے "بیت عوا”میں صیہونی فوج نے اندھا دھند فائرنگ کرتے ہوئے 18 سالہ نوجوان خالد بدوی الشلش المسلمہ کی شہادت اور دو فلسطینیوں مہر علی مصلم کے زخمی ہونے کا اعلان کرتے ہوئے کہا گیا ہے کہ دونوں نوجوانوں کو صیہونی فوجیوں نےدرندگی کا نشانہ بناتے ہوئے براہ راست گولیاں ماریں جو ناقابل قبول ہے۔
دوسری جانب اسرائیلی فوجیوں نے دعویٰ کیا ہےکہ فلسطینی نوجوان کو سنگ باری کرنے کی وجہ سے گولیاں مار گئیں۔ میڈیا رپورٹس میں فلسطینی نوجوان کی شناخت بدوی خالد المسالمہ کے نام سے کی گئی ہے جس کی عمر 18 سال بتائی جاتی ہے۔فلسطینی ہلال احمر کے مطابق اسرائیلی فوجیوں نے المسالمہ کو گولیاں مار کر نہ صرف شدید زخمی کیا بلکہ اسے سڑک پر پھینک دیا گیا۔ امدادی کارکنوں کو اس کےقریب جانے کی اجازت نہیں دی گئی جس کے نتیجے میں وہ تڑ تڑپ کوجام شہادت نوش کرگیا۔