اسرائیلی طیاروں نے آج صبح غزہ کی پٹی پر کئی مقامات پر بم باری کی ہے جس کے نتیجے میں بڑے پیمانے پر تباہی کی اطلاعات ہیں۔ ذرائع کے مطابق قابض اسرائیلی فوج نے جنوبی غزہ میں رفح راہداری پر بمباری کی اسرائیلی طیاروں نے غزہ کی پٹی پر ایک عمارت اور دو سرنگوں پر بم باری کی تاہم فوری طور پر کسی جانی نقصان کی اطلاع موصول نہیں ہوئی۔ عینی شاہدین کے مطابق”اپاچی ہیلی کاپٹروں” نے مشرقی غزہ میں ایک ورکشاب پر میزائل داغا جس سے کافی مالی نقصان ہوا اور علاقے میں شدید خوف و ہراس پیدا ہوگیا دوسری جانب قابض اسرائیلی بحریہ نےجنوبی غزہ میں فلسطینی ماہی گیروں پر بلا اشتعال فائرنگ کی جس سے فلسطینی ماہی گیروں کی کشتیوں کو نقصان پہنچا جو انکے ذریعہ معاش کا واحد ذریعہ ہے اسرائیلی فوج کے ترجمان نے بتایا کہ یہ حملے جنوبی اسرائیل میں غزہ سے راکٹ داغنے کے جواب میں کیے گئے ہیں
