فلسطینی وزیر اوقاف و مذہبی امور ڈاکٹر طالب ابوشعر نے کہا ہے کہ اب جبکہ مسجد اقصی میں موجود مسلمانوں نے شب بیداری کا سلسلہ ختم کردیا ہے تو یہودی جنونی قبلہ اول پر دوبارہ حملہ کرسکتے ہیں- انہوں نے اتوار کے روز پانچ جنونی یہودیوں کے اسرائیلی قابض فوج کی مدد سے مسجد اقصی کے جنوب مغربی حصے پر کئے گئے حملے کو بربریت قرار دیتے ہوئے کہا کہ مسجد کے تقدس کو مجرمانہ حملوں کے ذریعے پامال کرنا ان یہودیوں کا روز کا معمول بن گیا ہے- انہوں نے متنبہ کیا کہ جب تک اسرائیل کو ناجائز قبضہ ختم نہیں ہوجاتا مسجد اقصی کی بے حرمتی کا خطرہ بدستور موجود رہے گا- ڈاکٹر طالب شعر نے ان صیہونیوں حملوں کے مردانہ وار مقابلہ کرنے والے مسلمانوں کو خراج تحسین پیش کیا جو مسجد میں استقامت کے ساتھ موجود ہیں-
