حزب اللہ لبنان نے کوئٹہ میں جمعۃ الوداع کو یوم القدس کی ریلی میں ہونےوالے خود کش دھماکے کی شدید الفاظ میںمذمت کرتے ہوئے کہاہے کہ یوم القدس ریلی میں دہشت گردی کی کاروائی میں امریکی و صہیونی دہشت گرد عناصر ملوث ہیں اور یہ وہی صہیونی دہشت گرد ہیں جو غزہ اور فلسطین میں نہتے مسلمانوں پر مظالم ڈھا رہے ہیں۔
حزب اللہ لبنان کے مرکزی دفتر سے جاری ہونے والے ایک اعلامیے میں پاکستان کے صوبائی دارلحکومت کوئٹہ میں جمعۃ الوداع یوم القدس کی ریلی میں بم دھماکے کے نتیجہ میں پچاس سے زائد شہداء اور سینکڑوں ذخمیوں پر دھماکے کی شدید الفاظ میں مذمت کی گئی ہے ،حزب اللہ کی طرف سے جاری شدہ بیان میں دنیا بھر کے مسلمانوں اور بلخصوص پاکستانی مسلمانوں سے اپیل کی گئی ہے کہ پاکستان کے مسلمان صہیونی اور امریکی سازشوں سے ہوشیار رہیں اور آپس میںمتحد رہیں۔
حزب اللہ کی جانب سے کوئٹہ دھماکے کی مذمت میں شہدائے یوم القدس اور ذخمیوں کے ورثاء سے دلی ہمدردی اور اظہار یکجہتی کیا گیاہے جبکہ کہا گیا ہے کہ حزب اللہ لبنان دکھ اور مصیبت کی اس سخت آزمائش میں شہدائے یوم القدس اور ذخمیوںکے لواحقین کے ساتھ ہے اور دلی ہمدردی کا اظہار کرتی ہے۔