مصری حکام نے بتایا ہے کہ فلسطینی اتھارٹی اور اسرائیل کے درمیان امن مذاکرات کا دوسرا دور مصر کے پر فضاء مقام شرم الشیخ میں ہو گا. مصری حکومت کے ترجمان حسام ذکی کا کہنا تھا کہ اسرائیل اور فلسطینی اتھارٹی کے درمیان راست مذاکرات کا دوسرا دور مصر کی میزبانی میں ہوگا اور فریقین کے درمیان مذاکرات 14 ستمبر کو شرم الشیخ میں ہوں گے. مرکز اطلاعات فلسطین کے مطابق اتوار کے روز قاہرہ میں صحافیوں سے بات چیت کرتے ہوئے مصری حکومت کے ترجمان نے کہا کہ راست مذاکرات کے اگلے دور میں فلسطینی اتھارٹی کے سربراہ محمودعباس، اسرائیل وزیراعظم بنجمن نیتن یاھو اور امریکی وزیرخارجہ ہیلری کلنٹن شرکت کریں گے. خیال رہے کہ فلسطینی اتھارٹی اور قابض اسرائیل کے درمیان براہ راست امن مذاکرات کا پہلا دور ستمبر کے شروع میں امریکی میزبانی میں واشنگٹن میں ہوا تھا. مذاکرات میں فریقین کے علاوہ امریکی وزیرخارجہ ہیلری کلنٹن ، مصری صدر حسنی مبارک اور اردنی بادشاہ شاہ عبداللہ دوم نے بھی شرکت کی تھی.