فلسطینی مزاحمت کاروں نے اسرائیلی فوج کو شمالی غزہ کے بیت حانون کے علاقے میں داخل ہونے سے روک دیا – قابض اسرائیلی فوج جنگی طیاروں کی نگرانی میں بیت حانون راہداری کے ذریعے شمالی غزہ میں داخل ہوئی۔ ذرائع کے مطابق مجاہدین اور اسرائیلی فوج کے درمیان شدید جھڑپیں ہوئیں- اسرائیلی ٹینکوں نے بیت لحم کے مشرقی علاقے میں فلسطینی شہریوں کے گھروں پر تین گولے داغے جو گھروں کے قریب زرعی زمین پر گرے- شہریوں نے جنگی طیاروں کی بمباری کی آوازیں بھی سنی ہیں- شمالی غزہ کے شہریوں کے مطابق اسرائیلی فوج اور فلسطینی مزاحمت کاروں کے درمیان وقفے وقفے سے فائرنگ جاری رہی-
