فلسطینی شہریوں نے گھر گرائے جانے کی اسرائیلی کارروائیوں کے خلاف ہڑتال کا اعلان کردیا- ام فحم اور اردگرد دیہاتوں میں اسرائیلی حکومت کی طرف سے گھر گرائے جانے کے خلاف شہر میں جمعرات کو مکمل ہڑتال کی جائے گی – ہڑتال کی کال ام فحم کی بلدیہ نے دی ہے- بلدیہ نے اسرائیلی پالیسی کے خلاف احتجاجاً صہیونی وزارت داخلہ سے مکمل بائیکاٹ کا بھی اعلان کیا- یہ فیصلہ گزشتہ روز عوامی کمیٹیوں اور اسرائیلی پارلیمنٹ میں علاقے کے ارکان کے اجلا س میں کیاگیا- واضح رہے کہ اسرائیلی حکومت حالیہ دنوں میں ام فحم شہر میں فلسطینیوں کے چالیس گھر مسمار کرچکی ہے-
