اسرائیلی ریزرو فوج کے ایک اعلیٰ سطح کے فوجی افسر جنرل گیور ایلانڈ نے صہیونی حکومت کو تجویز دی ہے کہ وہ فلسطینی ریاست کے قیام کی صور ت میں مقبوضہ مغربی کنارے میں اردن اور فلسطین کے درمیان "وادی اردن ” پر اپنا قبضہ بدستور قائم رکھے. صہیونی فوجی جنرل کا کہنا ہے کہ "اردن ویلی” کو فلسطینی ریاست میں شامل کرنا اسرائیل کے مفاد میں نہیں بلکہ الٹا نقصان دہ ثابت ہو سکتا ہے. صہیونی فوجی جنرل نے حال ہی میں ایک تازہ رپورٹ تیار کی ہے جس میں کہا گیا ہے کہ اسرائیل کو فلسطینی ریاست کے قیام کے بعد کئی طرح کے چیلنجز درپیش ہوں گے. ان میں ایک بڑا مسئلہ اردن اور فلسطینی ریاست کے درمیان سرحد سے مزاحمت کاروں کی اسلحہ کی اسمگلنگ کا ہو گا. اسرائیل نے اگر وادی اردن کا علاقہ فلسطینی ریاست میں شامل کر دیا تو اسے اسرائیل غیر محفوظ ہو جائے اور فلسطینی مزاحمت کاروں کو اسلحہ جمع کرنے کا موقع مل جائے گا. صیہونی فوجی جنرل کی یہ رپورٹ ایک ریسرچ انسٹیٹیوٹ” القدس و جنرل اسٹیٹ ایشوز” کے زیراہتمام شائع کی گئی ہے. گیور ایلانڈ کا کہنا ہے کہ مغربی کنارے میں مزاحمت کاروں نے راکٹ جمع کرنا شروع کیے تو اسرائیل کے چپے چپے کے لیے تباہ کُن ثابت ہوں گے. لہٰذا اسرائیلی حکومت کو فلسطینی ریاست کی حد بندی کے قیام کا فیصلہ کرتے ہوئے یہ احتیاط ضرور کرنا ہو گی کہ ایسےعلاقے جن کے اسرائیل کے ہاتھ سے چلے جانے کے بعد صہیونی ریاست کو نقصان اٹھانا پڑے ان کے بارے میں پہلے ہی حکمت عملی تیار کر لی جائے.