فلسطینی مجلس قانون ساز نے خاتون رکن پارلیمنٹ منی منصور پر عباس ملیشیا کی دست درازی اور اس دست درازی پر انسانی حقوق کی خاموشی کی مذمت کی ہے- مجلس قانون ساز کی جانب سے جاری بیان میں کہاگیاہے کہ انسانی حقوق کے ادارے غلط پالیسیوں پر عمل کررہے ہیں- وہ دوہرا معیار اپنائے ہوئے ہیں- انہیں پیشہ وار انہ ذمہ داریاں ادا کرتے ہوئے تمام تعصبات سے بالا تر ہو کر کام کرنا چاہیے- رکن پارلیمنٹ کے گھر پر پولیس کا دھاوا اور دست درازی قابل مذمت ہے- انسانی حقوق کے فلسطینی اداروں کو اس پر خاموش نہیں رہناچاہیے- انہیں اس واقعہ کی پرزور مذمت کرنی چاہیے- واضح رہے کہ عباس ملیشیا کے اہلکاروں نے اسلامی تحریک مزاحمت .حماس سے تعلق رکھنے والی فلسطینی مجلس قانون ساز کی خاتون رکن منی منصور کے گھر پر دھاوا بولا اور ان پر دست درازی بھی کی –
