اسرائیلی جنگی طیاروں نے آج مختلف اوقات میں غزہ پر تین حملے کئے جن میں تین فلسطینی شہری زخمی ہوگئے- پہلا حملہ مصری سرحد کے قریب رفح میں کیا گیا جہاں پر اسرائیلی طیاروں نے سرنگوں کے علاقے کو نشانہ بنایا- اس حملے کے فوری بعد اسرائیلی طیاروں نے شمال مغربی خان یونس کے علاقے میں اسلامی تحریک مزاحمت (حماس) کے عسکری ونگ القسام بریگیڈ پر دو میزائل داغے جبکہ ایک گھنٹے کے وقفے سے اسرائیلی طیاروں نے اسی علاقے کو دوبارہ نشانہ بنایا-
