مسجد اقصی کے خطیب ڈاکٹر عکرمہ صبری نے متنبہ کیا ہے کہ اسرائیلی حکومت سوا لاکھ فلسطینیوں کو مقبوضہ بیت المقدس سے نکالنے کی سازش کر رہی ہے- ڈاکٹر عکرمہ صبری نے اخباری بیان میں کہا ہے کہ اسرائیلی حکومت نے حالیہ سالوں میں فلسطینیوں کو بیت المقدس سے بے دخل کرنے کے لیے متعدد کارروائیاں کی ہیں- جگہ جگہ فوجی ناکے لگانا، نسلی دیوار کی تعمیر اور فلسطینی شہریوں کو دیوار کے پیچھے محصور کرنا اسی سلسلہ کی کڑیاں ہیں- قدیم بیت المقدس کے گرد یہودی آباد کاری کر کے اسے گھیرے میں لیے جا رہا ہے- قدیم بیت المقدس میں فلسطینی شہریوں کے محلے ہیں- ڈاکٹر عکرمہ صبری نے کہا ہے کہ اسرائیلی وزارت داخلہ نے فلسطینی شہریوں کے گھروں کو منہدم کرنے کے لیے کروڑوں ڈالر کا بجٹ مخصوص کیا ہے-
