غزہ میں قائم وزیراعظم اسماعیل ھنیہ کی سربراہی میں فلسطینی آئینی حکومت نے رمضان کی بابرکت ساعتوں کے اکرام میں اچھے کردار کے حامل 100 قیدیوں کو رہا کرنے کا فیصلہ کیا ہے۔
فلسطینی وزیر انصاف محمد فرج الغول نے وزیر داخلہ فتحی حماد کے ساتھ ایک مشترکہ پریس کانفرنس سے خطاب کرتے ہوئے کہا کہ ’’ وزیراعظم ھنیہ نے اچھے اخلاق اور نیک سیرت کی سند شہادت حاصل کرنے والے قیدیوں کی رہائی کا فیصلہ کیا ہے‘‘
انہوں نے کہا کہ رہائی پانے والوں نے یہ عہد کیا ہے کہ کبھی دوبارہ جرائم کے رستے پر گامزن نہیں ہونگے انہوں نے کہا کہ غزہ کی جیلوں کو آنے والے اصلاح اور بحالی کے مراکز میں تبدیل کر دیا گیا ہے۔
اس موقع پر غول نے مغربی کنارے میں قائم عباس کی حکومت سے بھی سیاسی بنیادوں پر اغوا کیے گئے قیدیوں کو رہا کرنے کا مطالبہ کیا۔
وزیر داخلہ نے اس موقع پر خطاب کرتے ہوئے کہا کہ رہائی کا پروانہ پانے والوں میں سے بیس قیدی وہ ہیں جنہیں اسرائیل کے ساتھ تعاون کے جرم میں گرفتار کیا گیا تھا۔