’’پرزنراسٹڈیز ‘‘نے اسرائیلی ہسپتال میں فلسطینی اسیران کے ناکام آپریشن کی تحقیقات کا مطالبہ کیا ہے-
پرزنرز اسٹڈیز سنٹر کے ڈائریکٹر رافت حمدونہ نے کہا ہے کہ اسیران کے حقوق کے متعلق اداروں کو فلسطینی سیاسی اسیران کی زندگیاں بچانے کے لیے فوری مداخلت کرنی چاہیے – فلسطینی مریض اسیران کے ناکام آپریشنز کی وجہ سے ان کی زندگیوں کو خطرہ ہے-
رافت حمدونہ کے مطابق اسرائیلی عقوبت خانوں میں فلسطینی اسیران پر مختلف طریقوں سے تشدد کیا جاتا ہے- رافت حمدونہ کو صہیونی جیل ’’الرملہ ‘‘ سے فلسطینی اسیران کا خط موصول ہوا ہے جس کے مطابق اسرائیلی جیل حکام معذور مریض اور بڑی عمر کے مریضوں کو گزشتہ مہینے کئی مرتبہ رات ایک بجے تلاشی کے بہانے بیرکوں سے باہر نکالتے ہیں-
رافت اللہ حمدونہ نے کہا کہ صہیونی کارروائی غیر انسانی ہے- ان کارروائیوں کا سیکورٹی سے کوئی تعلق نہیں – اسرائیلی حکام کامقصدفلسطینی اسیران کو تنگ کرنا ہے –