انتہاء پسند یہودیوں کا یافا کی مسجد پر حملہ

1948ء سے اسرائیلی زیر تسلط مقبوضہ فلسطین کے وسطی ضلع یافا میں انتہاء پسند یہودیوں نے ایک مسجد پر حملہ کر کے بڑے پیمانے پر توڑ پھوڑ کی ہے۔ شہر کے ذرائع نے بتایا کہ غاصب یہودیوں نے شہر کی سڑکوں پر ایک احتجاجی مظاہرہ کیا، مظاہرے کے دوران یہودیوں نے مسجد ’’النزھہ‘‘ کے قریب پہنچ کر اس پر پتھراؤ کرنا شروع کر دیا، یہودیوں نے غنڈہ کرتے ہوئے امام مسجد کو تشدد کا نشانہ بنایا۔ اس موقع پر مظاہرین عربوں کے خلاف نعرے لگاتے رہے۔ ذرائع کا کہنا ہے کہ غاصب یہودیوں کے حملے کے وقت درجنوں نمازی مسجد میں نماز ادا کر رہے تھے۔ یہودیوں نے سب کو نماز سے روکنا چاہا جس پر نمازیوں اور یہودیوں کے مابین جھڑپ شروع ہو گئی تاہم اسرائیلی پولیس نے وقت پر پہنچ کو یہودیوں کو مسجد سے دور دھکیل دیا۔ اس موقع پر فلسطینی ذرائع نے اسرائیلی پولیس پر یہودیوں کے ساتھ تعاون کا الزام لگایا، اور کہا کہ پولیس اس حملے کے دوران خاموش بیٹھی رہی اور جان بوجھ کر موقع پر نہیں پہنچی۔ ذرائع نے بتایا کہ شاہراہ النزھہ سے گزرتے ہوئے یہودی مظاہرین نے پٹرول پمپ پر کھڑے ایک فلسطینی بچے پر بھی بہیمانہ تشدد کیا ہے۔