فلسطینی مجلس قانون ساز کے رکن احمد عطون نے کہا ہے کہ اسرائیل نے بیت المقدس کی تاریخ اور اسلامی آثار مٹانے کی سازشیں تیز کردی ہیں- انہوں نے ایک بیان میں کہا کہ مسلمانوں کی طرف سے بیت المقدس کی تاریخ کے احیاء کے لیے کی جانے والی کوششیں کافی نہیں ہیں- اسرائیل نے جس طرح بیت المقدس کو یہودیانے کی کارروائی تیز کی ہے وہ اس سے قبل کبھی دیکھنے میں نہیں آئی – بیت المقدس سے منتخب فلسطینی رکن پارلیمنٹ نے مزید کہاکہ بیت المقدس کے دفاع کے لیے مسلمانوں کو متحدہ کوششیں کرنا ہوں گی – واضح رہے کہ احمد عطون چند ہفتے قبل اسرائیلی قید سے رہا ہوئے ہیں-
