اسرائیلی فوج نے ’’نابلس ‘‘ میں وسیع پیمانے پر فوجی کارروائی کی جس میں تین فلسطینی شہید اور سات زخمی ہو گئے- اسرائیلی فوج کے اہلکار متعدد فلسطینیوں کے گھروں میں بھی داخل ہوئے – شمالی مغربی کنارے میں طبی امدادی کارروائیوں کے سربراہ کے مطابق اسرائیلی فوج گزشتہ روز نابلس میں داخل ہوئی اور مختلف گھروں کو گھیرے میں لے لیا- اسرائیلی فوج نے ٹارگٹ کلنگ کی- شہداء میں غسان ابو شرح ، عبدالجبار سرکسی اور عدنان صبح شامل ہیں- نابلس کے شہریوں نے عباس ملیشیا کو اس جرم میں ملوث قرار دیا ہے، جن کے تعاون سے اسرائیلی فوج نے مجاہدین کے گھروں کو گھیرے میں لیا اور ٹارگٹ کلنگ کی –
