غزہ میں دراندازی قابض اسرائیلی فوج کا روز کا معمول بن گیا ہے، اطلاعات کے مطابق جمعہ کی شام قابض فوج غزہ کے شمال مشرقی شہر خان یونس سے غزہ میں داخل ہوئی۔ مرکز اطلاعات فلسطین کے مقامی نامہ نگار کے مطابق قابض فوج کا ایک مسلح دستہ بکتربند گاڑیوں اور ٹینکوں کے ہمراہ خان یونس میں السریج کے مقام سے داخل ہوا اور کھیتوں سے گذرتے ہوئے مختلف مقامات پر گولہ باری کی۔ اس دوران مجاہدین کی جانب سے قابض فوج پر ہاون راکٹوں سے حملے کیے گئے جس کے بعد قابض فوج واپس جانے پرمجبور ہوگئی۔ عینی شاہدین کے مطابق قابض فوج اور مجاہدین کے درمیان دو بدو لڑائی بھی ہوئی جس میں قابض فوج کوبھاری جانی نقصان اٹھانا پڑا۔
