(روز نامہ قدس ۔آنلائن خبر رساں ادارہ ) مقبوضہ فلسطین میں صیہونی ریاستی دہشتگردی کے نتیجےمیں ارض مقدس کو چھوڑ کر پناہ گزینوں کی زندگی گزار نے والے ہزاروں فلسطینی بنیادی انسانی حقوق سے محروم زندگی گزارنےپر مجبور ہیں۔
انسانی حقوق کیلئے کام کرنے والے ادارے کی جانب سے جاری کردہ رپورٹ میں انکشاف کیا ہے کہ شام کے پناہ گزین کیمپوں میں صیہونی ریاستی دہشتگردی کے نتیجے میں اپنے ملک سے بے دخل ہوکر پناہ گزین کی زندگی گزارنے والے ہزار وں فلسطینی فلسطینی مہاجرین کی بہبود کیلئے کام کرنے والے اداروں کی دانستہ مجرمانہ غفلت کے باعث بنیادی انسانی حقوق اور ضروریات زندگی سے محروم ہیں۔
پناہ گزین کیمپوں میں روزگار کا کوئی بندوبست نہیں ہے اور نا ہی خوراک کی فراہمی کا کوئی خاطر خواہ انتظام ، سردی اور گرمی سےبچاؤ کیلئے دیئے گئے کیمپ اس قابل نہیں ہیں کہ وہ ان بے گھر فلسطینیوں کو موسمی سختیوں سے بچاسکیں ، رپورٹ میں بتایا گیا ہے کہ شام کے شمالی علاقے میں قائم کردہ پناہ گزین کیمپ میں بھو ک اور افلاس عروج پر ہے اور عالمی وباکورونا وائرس سے بچاؤ کیلئے کوئی اقدامات نہیں ہیں ۔
رپورٹ میں طبی ماہرین کے حوالے سے خدشات کو شامل کیا گیا ہے جس میں کہا گیا ہے کہ اگر ان کیمپوں میں کورونا وائرس پھیلتا ہے تو اس کوروکنا ناممکن ہوجائے گا جس سے انسانی المیہ جنم لے سکتا ہے ۔