(روزنامہ قدس ۔آن لائن خبر رساں ادارہ)پی ایل او کی ایگزیکٹو کمیٹی کے سیکریٹری جنرل عالمی برادری الخلیل شہرمیں غیر قانونی یہودی آبادکاری کو فوری رکوانے کیلئے اپنا کردار ادا کریں، بصورت دیگر اس کے سنگین نتائج برآمد ہوں گے۔
فلسطین لبریشن آرگنائزیشن کی ایگزیکٹو کمیٹی کے سیکریٹری جنرل صائب عريقات نے قدس بازار پر یہودی بستی کی تعمیر کی شدید الفاظ میں مذمت کرتے ہوئے کہا ہے کہ الخلیل کے دو لاکھ فلسطینیوں پر صرف 80 ہزار غیر قانونی یہودی آبادکاروں کیلئے قدیم بازار کی مسماری اور فلسطینیوں کیلئے شہر کو محصور کرنے کے اقدامات نے اسرائیل کے مکروہ عزائم کو دنیا کے سامنے کھل کر پیش کردیا ہے ۔
انھوں نے کہا ہے کہ اسرائیل کے اس فیصلے سے ہزاروں فلسطینی بے روز گار ہوجائیں گے جس کے خطرناک نتائج برآمد ہوں گے ، صائب عريقات نے اقوام متحدہ اور عالمی برادری سے مطالبہ کرتے ہوئے کہا ہے کہ الخلیل شہر میں غیر قانونی یہودی آبادکاری کو فوری رکوانے کیلئے اپنا کردار ادا کریں ۔