اسرائیلی فوج نے فلسطینی خاتون کو گرفتار کرلیا

الخلیل(روز نامہ قدس ۔آن لائن خبر رساں ادارہ)اسرائیلی ٹی وی سے موصول خبر کے مطابق اسرائیلی فوج نے بیت المقدس کے نواحی علاقے الخلیل میں واقع تاریخی ابراہیمی مسجد کے قریب چیک پوسٹ سے 22سالہ لڑکی کو گرفتارکیا ۔
اسرائیل فوج کا کہنا ہے کہ شک کی بنیاد پر لڑکی کو روکا گیا تلاشی کےبعد اس کے بیگ سے چاقو برآمد ہوا جس کے بعد لڑکی کو گرفتارکرکے تحقیقات کےلئے نامعلوم مقام پر منتقل کیاگیا ہے۔
فلسطینی بچوں کے تحفظ کےلئے کام کرنے والی تنظیم ڈیفنس فار چلڈرن فلسطین (ڈی سی آئی پی ) کی جانب سے جاری رپوٹ کے مطابق گزشتہ ایک سال کے دوران اسرائیلی فوج نے 26 بچوں اور خواتین کو شہید کیا ہے جن میں سے 9 خواتین پر چاقوں کے وار سے اسرائیلی فوجیوں پر حملے کی منصوبہ بندی کا الزام یا مبینہ طور پر چاقوبرآمد ہونے کا الزام لگایا گیا تھا ۔