مقبوضہ مغربی کنارے کے شہر نابلس کے شمالی گائوں بیورین میں پیر کی صبح فلسطینی نوجوانوں اور یہودی آبادکاروں کے ایک گروہ کے دوران تصادم کا سلسلہ شروع ہوگیا۔
مرکز اطلاعات فلسطین کے نمائندے کے مطابق یہودی بستی براخا سے تعلق رکھنے والے یہودی آبادکاروں نے قابض اسرائیلی فوج کی زیر حفاظت سڑکوں کی مرمت کا کام کرنے والے فلسطینی مزدوروں پر حملہ کردیا۔اس موقع پر اسرائیلی فوج نے فلسطینی نوجوانوں اور مزدوروں پر آنسو گیس کے شیل پھینکے تاکہ آبادکاروں کو مدد فراہم کی جاسکے۔ اس موقع پر کسی جانی نقصان کی اطلاع موصول نہیں ہے اور فلسطینی مزدوروں نے بھی اپنا کام جاری رکھا ہوا ہے۔