مغربی کنارے اور مشرقی القدس میں آباد ساڑھے چھ لاکھ کے لگ بھگ یہودی اکثر اوقات اپنی تلمودی عبادات کی ادائیگی کے لیے فلسطینی آبادیوں اور اسلامی مقدس مقامات میں داخل ہوتے رہتے ہیں۔ انتہاء پسند یہودیوں کے ایک گروپ نے الخلیل کے وسطی علاقے بئر سبع پر ایسا ہی دھاوا بول دیا۔
یہودیوں نے اس علاقے میں واقع ’’عتائیل بن قنار‘‘ کی قبر پر تلمودی عبادات ادا کیں۔ مقامی ذرائع نے ’’پی آئی سی‘‘ کے نمائندے کو بتایا کہ یہودی جتھے کی حفاظت کے لیے اسرائیلی فوجی اہلکاروں کی بڑی تعداد بھی ہمراہ تھی۔ فوجیوں نے پہلے سارے علاقے کو گھیرے میں لیا، جگہ جگہ چیک پوسٹیں قائم کردی گئیں، جس کے بعد یہودی آباد کاروں نے قبر پر آکر موسیقی پر مبنی عبادات کی ادائیگی کی۔ ذرائع کے مطابق اس دوران یہودی آباد کاروں نے علاقے کے فلسطینی شہریوں پر بھی حملے کیے اور متعدد راہ گزروں کو تشدد کا نشانہ بنایا۔
بشکریہ: مرکز اطلاعات فلسطین