(روزنامہ قدس ـ آنلائن خبر رساں ادارہ) ہند رجب فاؤنڈیشن نے بدھ کے روز یونان کی اعلیٰ عدالت میں قابض اسرائیل کے سفاک افسر کے خلاف باقاعدہ درخواست دائر کی جو اس وقت وہاں بطور سیاح موجود ہے۔
فاؤنڈیشن نے کہا کہ یہ درندہ صفت صہیونی افسر گیواتی بریگیڈ کے ایک کمانڈر کے طور پر خدمات انجام دے چکا ہے جو غزہ میں فلسطینیوں کے خلاف نسل کشی کی مہم میں شریک رہا ہے۔درخواست میں واضح کیا گیا ہے کہ فاؤنڈیشن کے پاس مضبوط شواہد موجود ہیں جو اس افسر کو غزہ میں جنگی جرائم اور تشدد کی ذاتی ذمہ داری کے الزام میں فرداً فرداً مورد الزام ٹھہراتے ہیں۔
یہ اقدام انسانی حقوق کی تنظیموں کی جانب سے کیے جانے والے قانونی اقدامات کے سلسلے میں سامنے آیا ہے جس کا مقصد بین الاقوامی قانون کی خلاف ورزیوں میں ملوث افراد کا تعاقب اور مقدمہ چلانا ہے۔
