فلسطین کے سنہ 1948 ء کے مقبوضہ شہر العفولہ میں ایک فلسطینی چاقو بردار حملہ کرکے اسرائیلی بارڈر فورسز کے ایک اہلکار کو زخمی کرنے کے بعد اس کا اسلحہ لوٹ کر فرار ہوگیا۔
رپورٹ کے مطابق العفولہ کے مقام پر ایک نامعلوم فلسطینی نے اسرائیلی سیکیورٹی اہلکار پرچاقو سے حملہ کرکے اسے زخمی کیا اور اس کا اسلحہ چھین کر فرار ہوگیا۔رپورٹ کے مطابق فلسطینی حملہ آور کی شناخت نہیں ہوسکی اور یہ واضح نہیں کہ آیا یہ معمول کے فلسطینی مزاحمتی حملوں کا حصہ ہے یا کوئی دوسری نوعیت کی کارروائی ہے۔ پولیس نے واقعے کی تحقیقات شروع کردی ہیں اور العفولہ میں سرچ آپریشن بھی جاری ہے۔
رپورٹ میں بتایا ہے کہ العفولہ کے مقام پر ایک سیکیورٹی گارڈ پرحملہ کرنے والے فلسطینیوں کی تعداد دو تھی۔ پولیس نے ان کی تلاشی کے لیے بھاری نفری علاقے میں پھیلا دی ہے جو حملہ آوروں کی تلاشی جاری رکھے ہوئے ہے۔
خیال رہے کہ رواں سال اکتوبر کے بعد سے بیت المقدس میں جاری اسرائیل کی پرتشد کارروائیوں اور منظم ریاستی دہشت گردی کے نتیجے میں 115 فلسطینی شہید ہوچکے ہیں جب کہ فلسطینی مزاحمت کاروں کی جوابی کارروائیوں میں 25 صہیونی ہلاک ہوئے ہیں۔