فلسطین کے مقبوضہ مغربی کنارے کے جنوبی شہر الخلیل میں نقاب پوش فلسطینی نوجوانوں نے اسرائیل کی دو مقامی مسافر بسوں پر پٹرول بموں سے حملہ کیا ہے جس کے نتیجے میں بسوں کو آگ لگ گئی۔ پٹرول بم حملوں میں کسی قسم کے جانی نقصان کی اطلاع نہیں مل سکی تاہم معلوم ہواہے کہ دونوں بسوں میں یہودی سوار تھے جو حملہ ہوتے ہی بھاگ کھڑے ہوئے۔
رپورٹ کے مطابق مغربی الخلیل میں ترقومیا قصبے کی ایک سڑک پر فلسطینی شہریوں نے ایک بس پرسنگ باری کی جس کے نتیجے میں بس کے شیشے ٹوٹ گئے۔ بعد ازاں اس پر پٹرول بم سے بھی حملہ گیا۔
ایک خبرمیں بتایا گیا ہے کہ فلسطینی مزاحمت کاروں نے”کریات اربع” کالونی کی طرف جانے والی دو بسوں پرپٹرول بم پھینکے جن کے نتیجے میں بسوں کو آگ لگ گئی تاہم بسوں میں سوار افراد بے بھاگ کراپنی جانیں بچائیں۔