نقب، جلبوع جیلوں کے بھوک ہڑتالی اسیران شکاری کتوں کی قریبی بیرکوں میں منتقل

اسرائیلی حکام اپنے زیر حراست فلسطینی اسیران کی 20 روز سے جاری بھوک ہڑتال کو ناکام بنانے کی سرتر کوششیں کر رہے ہیں۔

انسانی حقوقی کی یک جہتی فاؤنڈیشن کے مطابق حال ہی میں اسرائیل نے جلبوع اور نقب کی جیلوں میں اسیران کو ایسی بیرکوں میں منتقل کردیا جن کے قریب شکاری کتے بھی موجود ہیں۔
عالمی سولی ڈیرٹی فاؤنڈیشن نے تجزیہ کار احمد بیتاوی کے بہ قول جلبوع جیل میں بھوک ہڑتال کی پاداش میں اسیران کو اس بیرک میں منتقل کردیا گیا جس کے کچھ میٹر کے فاصلے پر شکاری کتے رکھے گئے ہیں جو سارا دن اور ساری رات بھونکتے رہتے ہیں جس کی وجہ سے اسیران سونے کے قابل تک نہیں رہے۔
احمد بیتاوی نے بتایا کہ تین ہفتوں سے کچھ نہ کھانے کے سبب نقاہت کے شکار ان اسیران کے لیے نیند ہی ایک ایسا وسیلہ تھا جو انہیں کچھ عرصے کے لیے بھوک اور کمزوری کی تکلیف سے قدرے نجات دیتا تھا تاہم شکاری کتوں کے قریب منتقلی کے بعد یہ اسیران نیند سے بھی محروم کردیے گئے ہیں۔
بیتاوی نے بتایا کہ اسیران کو بھوک ہڑتال سے باز رکھنے کے لیے ہر روز اسرائیلی جیل انتظامیہ نئے اوچھے ہتھکنڈے استعمال کرتی ہے۔ ’’بھوکے پیٹے معرکے‘‘ میں شریک ان اسیران کو زبردست جسمانی اور نفسیاتی دباؤ کا شکار کیا جا رہا ہے۔
دوسری جانب محمد عرمان نے واضح کیا کہ جلبوع کی جیل میں بھی انتظامیہ نے اسیران کو صرف ایک بیرک سے دوسری بیرک منتقل کرنے پر اکتفا نہیں کیا بلکہ انہیں بھی شکاری کتوں کی قریبی بیرک میں بھیج دیا گیا ہے۔ اس جیل میں محمد عرمان کو عباس السید، اور شیخ جمال ابو الھیجا کے ہمراہ کتوں کے قریب ڈالا گیا ہے۔ صہیونی فورسز جرائم مجرموں کو بھی فلسطینی اسیران کے ہمراہ اس بیرک میں منتقل کر رہے ہیں جس کا مقصد ان اسیران کی تکالیف کو دو چند کرنا ہے۔
بیرک میں آنے والے جرائم پیشہ یہودی فلسطینی اسیران کو دن رات گالیاں دیتے اور لڑتے رہتے ہیں۔ محمد عرمان نے بتایا کہ ایسا محسوس ہوتا ہے کہ ہم انسانوں کے ساتھ نہیں بلکہ جانوروں کے ساتھ رہ رہے ہیں اور ہمارے ساتھ ہونے والا سلوک جانوروں سے بھی بدتر ہے۔

بشکریہ: مرکز اطلاعات فلسطین