فلسطینی مطالعاتی مرکز برائے اسیران نے زور دیا ہے کہ اسرائیلی فورسز کے خصوصی یونٹ نے نقب جیل کی فلسطینیوں کے لیے مخصوص یونٹ 24 پر حملہ کیا ہے، حملہ آور فوجیوں نے اسیران کی ملکیتی بنیادی ضروریات کی اشیاء پر قبضہ کرلیا۔ متعدد اشیاء کو ضائع کر دیا گیا۔
مرکز کے میڈیا کوآرڈینیٹر ریاض اشقر نے واضح کیا ہے کہ جمعہ کے دن یونٹ 24 کی بیرک نمبر 7 پر اسرائیلی فوج کے خصوصی یونٹ ”کیٹر” کے اہلکاروں نے دھاوا بولا، انہوں نے تمام اسیران کو باہر نکالا اور ان تفتیش شروع کردی، اس مرتبہ غیر متوقع طور پر صرف ایک گھنٹے میں تفتیش مکمل کرلی گئی، یاد رہے کہ اس طرح کی کارروائیوں میں عام طور پر اسیران سے سات سات گھنٹے تفتیش کی جاتی ہے۔
ریاض اشقر کا کہنا تھا کہ فلسطینی اسیران، اسرائیلی اہلکاروں کے بعد شدید متنفر دکھائی دیے۔ متعدد اسیران نے تفتیش عمل کے دوران احتجاج بھی کیا۔ تاہم تفتیش ختم ہونے کےبعد حالات دوبارہ اپنے نہج پرآ گئے۔
بشکریہ:مرکز اطلاعات فلسطین