یورپی یونین کی ہائی کمشنر برائے خارجہ، سیاسی اور سیکیورٹی امور فریڈیریکا موگرینی نے برسلز سے جاری ایک بیان میں اسرائیل سے مطالبہ کیا کہ وہ مقبوضہ فلسطینی شہریوں میں یہودی تعمیرات کی کوئی حد مقرر کرے۔
انہوں نے کہا کہ مقبوضہ فلسطینی علاقوں میں اسرائیل کی جانب سے یک طرفہ طور پر توسیع پسندانہ سرگرمیاں امن وامان کو تباہ کرنے کی گہری سازش ہیں اور اس کے نتیجے میں مشرق وسطیٰ میں قیام امن کی راہ میں مزید مشکلات پیدا ہوں گی۔
مسز مورگینی کا کہنا تھا کہ اسرائیل تحمل اور برداشت سے کام لے اور جذباتی انداز میں توسیع پسندانہ کاموں کا سلسلہ بند کرے۔ ایسے طریقے نہ اخیتار کیے جائیں جس کے نتیجے میں خطے میں مزید کشیدگی جنم لیتی ہے۔
خیال رہے کہ اسرائیل کے جمعہ کے روز بیت القدس اور غرب اردن میں ساڑھے چار سو مکانات کی تعمیر کے لیے ٹینڈر جاری کیے ہیں۔ ان میں سے 102 مکانات مغربی کنارے کے جنوبی شہر الخلیل میں قائم یہودی کالونی "کریات اربع”، 156 مکانات الفیہ منشیہ کالونی اور 114 مکانات بیت المقدس میں تعمیر کیے جانے کا اعلان کیا گیا۔ جبکہ 93 مکانات جنوبی بیت المقدس میں گیلو کالونی میں تعمیر کرنے کا اعلان کیا گیا۔
بشکریہ:مرکزاطلاعات فلسطین