مقبوضہ بیت المقدس میں صیہونیوں کے مظاہرے

مقبوضہ بیت المقدس – (فلسطین نیوز۔مرکز اطلاعات) سیکڑوں صیہونیوں نے لازمی فوجی سروس کے قانون کے خلاف مقبوضہ بیت المقدس میں مظاہرہ کیا ہے۔

فلسطین نیوز کو موصول ہونے والی اطلاعات کے مطابق جمعرات کی شب ہونے والے اس مظاہرے میں شریک صیہونیوں اور اسرائیلی پولیس کے درمیان جھڑپیں بھی ہوئیں۔ اسرائیلی پولیس نے اٹھارہ صیہونیوں کوگرفتار بھی کیا ہے۔ پچھلے چند روز سے لازمی فوجی سروس پر نہ جانے والے ایک صہیونی کی گرفتاری کے بعد سے مقبوضہ فلسطینی علاقوں میں مسلسل مظاہرے کیے جارہے ہیں۔

سیکڑوں صیہونیوں نے گزشتہ ہفتے، منگل کو بھی لازمی فوجی سروس کے خلاف، مختلف شہروں میں مظاہرے کیے تھے جس کے دوران اسرائیلی پولیس نے پچاس افراد کو گرفتار بھی کرلیا تھا۔اسرائیل میں مردوں سے دو سال آٹھ ماہ اور خواتین سے دوسال کی جبری فوجی خدمت لی جاتی ہے۔

اسرائیلی ذرائع کاکہنا ہے کہ کہ فلسطینی اور لبنانی مجاہدین کے خوف کی وجہ سے صیہونیوں کو لازمی فوجی سروس میں کوئی دلچپسی نہیں ہے اور ان کی پچاس فی صد تعداد لازمی فوجی سروس پر جانے کے لیے تیار نہیں ہیں۔