(روز نامہ قدس ۔آنلائن خبر رساں ادارہ ) قابض اسرائیلی پولیس کا مقبوضہ بیت المقدس کے مشرق علاقے العیسویہ میں گھر گھرتلاشی کے دوران فلسطینیوں پربدترین تشدد متعدد فلسطینیوں کو گرفتارکرلیا۔
تفصیلات کے مطابق صیہونی پولیس نے مقبوضہ بیت المقدس کےمشرقی علاقے العیسویہ میں رات گئے گھر گھر تلاشی کا عمل شروع کرتے ہوئے روایتی لوٹ مار اور توڑپھوڑ کی اس دوران مزاحمت پر صیہونی پولیس نے متعدد فلسطینیوں پر بدترین تشدد کیا اور 4 فلسطینی نوجوانوں کو گرفتارکرلیا ۔
صیہونی فوج اور پولیس کی جانب سے مقبوضہ بیت المقدس کے تقریبا تمام ہی شہروں میں فلسطینیوں کے ساتھ غیر انسانی سلوک جاری ہے فلسطینیوں کے گھروں اور املاک کی مسماری، انتظامی قید کے تحت سالوں بے گناہ فلسطینیوں کی قید نوجوانوں کا اغواء اور قتل عام جاری ہے گزشتہ 6 ماہ میں صیہونی فوج نےبچوں اور خواتین سمیت 3 ہزار سے زائد فلسطینیوں کو گرفتار کیا ہے ۔
مقامی رہائشیوں نے بتایا ہے کہ صیہونی ریاست روزانہ کی بنیاد پر فلسطینیوں کیلئے مصائب پیداکرنے کے نئے طریقے دریافت کرتے ہیں ان کے غیر انسانی اقدامات سے فلسطینیوں کی زندگی کو بری طرح متاثر ہورہی ہے اور انکے لیے ناقابل برداشت حالات پیدا کیے ہیں۔