اسرائیلی سکیورٹی فورسز نے مغربی کنارے کے شہر جنین کے علاقے المنصورہ کالونی میں قائم عسکری چیک پوسٹ پر ایک فلسطینی نوجوان کو گرفتار کر لیا ہے۔
بیس سالہ نوجوان سعد شلبک جنین کی مشرقی کالونی سے تعلق رکھتا تھا۔ اسرائیلی فورسز نے المنصورہ کالونی کے قریب ایک چیک پوسٹ قائم کی اور فلسطینیوں کی گاڑیوں کو روکنا شروع کردیا۔
مقامی ذرائع نے بتایا کہ صہیونی اہلکار اس چیک پوسٹ پر چھوٹی عمر کے فلسطینی لڑکوں سے شناخت نامہ طلب کرتے رہے۔ دوسری جانب جنین شہر کے مشرقی گاؤں دیر ابو اضعیف میں بھی ایک چیک پوسٹ قائم کرکے مختلف گاڑیوں کو روک کر ان کے سواروں سے تفتیش کی جاتی رہی تاہم یہاں سے کسی کے گرفتار کیے جانے کی تصدیق نہیں ہو سکی ہے۔
بشکریہ:مرکزاطلاعات فلسطین