رام اللہ (روز نامہ قدس ۔آن لائن خبر رساں ادارہ) فلسطین کے مقبوضہ مغربی کنارے کے وسطی شہر رام اللہ میں بس کے حادثے کےنتیجے میں کم سے کم 2 اسرائیلی ہلاک اور 35 زخمی ہوگئے۔
روز نامہ قدس کو موصول ہونے والی اطلاعات کے مطابق عبرانی ویب سائیٹ ’’0404 ‘‘ نے اپنی رپورٹ میں بتایا ہے کہ ایک مسافر بس اور کار میں ہونے والےتصادم میں 2 اسرائیلی ہلاک اور تین درجن زخمی ہوگئے۔ زخمیوں میں سے بعض کی حالت خطرے میں بیان کی جاتی ہے۔
عبرانی ویب سائیٹ کے مطابق مغربی رام اللہ میں بیت حورون صیہونی کالونی میں شاہراہ ’’443‘‘ پر پیش آنے والے حادثے میں دونوں گاڑیاں تباہ ہوگئیں۔
تمام زخمیوں کو علاج کے لیے القدس کے اسپتالوں میں منتقل کردیا گیا ہے۔
ادھر ایک دوسری نیوز ویب سائیٹ ’’مفزاک لایو‘‘ کے مطابق حادثے میں 41 صیہونی آبا کار زخمی ہوئے۔ ان میں سے دو کی حالت تشویشناک ہے جب کہ پانچ کو دریانے درجے کےزخمی آئے ہیں۔