مرکز اطلاعات فلسطین کے مطابق صہیونی فوجیوں نے "افیگال” نامی فوجی چوکی کو حال ہی میں الخلیل شہر کے جنوب میں واقع یہودی کالونی کا حصہ قرار دیا جس کے بعد وہاں پر یہودیوں کے لیے تعمیرات شروع کردی گئی ہیں۔
مقامی سماجی کارکن راتب الجبور نے میڈیا کو بتایا کہ فوجی چوکی کو یہودی کالونی میں ضم کیے جانے کے بعد یہودی آباد کاروں نے فلسطینیوں کی اراضی کی کھدائی بھی شروع کردی ہے، جہاں پر کئی رہائشی فلیٹس کی تعمیرات کے لیے تعمیراتی سامان بھی پہنچایا دیا گیا ہے۔
چند روز پیشتر اخبار "ہارٹز” نے اپنی رپورٹ میں یہ انکشاف کیا تھا کہ صہیونی پراسیکیوٹر جنرل نے سپریم کورٹ کو بتایا ہے کہ جنوبی الخلیل میں سوسیا کے مقام پر ایک فوجی چوکی اور اس کے آس پاس کی اراضی کو ایک یہودی کالونی میں ضم کرنے کا فیصلہ کیا گایا ہے۔ سوسیا فوجی چوکی پر اس وقت بھی سات مکانات موجود ہیں، جنہیں یہودیوں کو رہائش کے لیے فراہم کیا جائے گا۔