صحرائے سینا میں رفح کراسنگ کے قریب ایک حملے میں 16 مصری فوجیوں کی شہادت اور 07 کے زخمی ہونے کے بعد مصر میں اسرائیل کے خلاف ایک بار پھر احتجاج شروع ہوگیا ہے۔
مصری انقلابی جماعتوں نے پیر کی شام سے منگل کی صبح تک احتجاجی دھرنا دیا۔ سیکڑوں افراد نے اسرائیلی سفارت کار یعقوب امیتائی کے گھر کے سامنے انہیں مصر سے دربدر کرنے اور اسرائیلی سفارت خانے کو بند کرنے کا مطالبہ کیا۔ تحریک ’’نوجوان 06 اپریل‘‘ کے ایک سرگرم کارکن نے بتایا کہ ان کی تنظیم نے دیگر انقلابی جماعتوں کے تعاون سے اسرائیلی سفیر کے گھر کے سامنے بھرپور احتجاج کیا، کارکن صبح سحری تک صہیونی سفیر کے گھر کے سامنے دھرنا دیے بیٹھے رہے۔ دھرنے کے شرکاء نے سحری کھانے کے ساتھ ساتھ فجر کی نماز بھی سفارت خانے کے سامنے ادا کی۔
بشکریہ: مرکز اطلاعات فلسطین