اردن نے عالمی برادری اور بڑی طاقتوں پر زوردیا ہے کہ وہ اسرائیل پردباؤ ڈال کر مقبوضہ علاقوں کا قبضہ ختم کرائیں اور فلسطینی قوم کے لیے ان کی آزاد اور خود مختار ریاست کےقیام کی راہ ہموار کریں۔
عمان کا کہنا ہے جب تک مسئلہ فلسطین کا کوئی منصفانہ حل نہیں نکال لیا جاتا دنیامیں امن کا خواب شرمندہ تعبیر نہیں ہو سکتا۔
مرکز اطلاعات فلسطین کے مطابق اقوام متحدہ میں اردن کے مستقل مندوب ڈاکٹر رجب السقیری نے جنیوا میں انسانی حقوق کونسل کے اجلاس سے خطاب کرتے ہوئے کہا کہ فلسطینیوں کو ان کی منشاء کے مطابق حق خود ارادیت دینے تک دنیا میں امن قائم نہیں ہوسکتا۔ دنیا کی دیگر اقوام کی طرح مظلوم فلسطینی قوم کو بھی اپنی الگ ریاست بنانے اوراپنی مرضی کے مطابق تعمیرو ترقی کرنے کاحق حاصل ہے۔
انہوں نے کہا کہ اسرائیلی فوج کی ریاستی دہشت گردی کی روک تھام ضروری ہے کیونکہ خطے میں قیام امن کی مساعی میں صہیونی جارحیت بیت المقدس اور مقبوضہ مغربی کنارے میں یہودی بستیوں کی تعمیرعالمی قوانین کی سنگین خلاف ورزی ہے۔
السقیری کہہ رہے تھے کہ مسئلہ فلسطین عالمی امن کا مرکزی اور محوری نکتہ ہے۔ یہی وجہ ہے کہ مسئلہ فلسطین کا حق نہ صرف خطے کی سلامتی اور استحکام کے لیے ضروری ہے بلکہ یہ پوری دنیا کے امن کے لیے لازمی ہے۔
بشکریہ: مرکز اطلاعات فلسطین