مغربی کنارے میں الخلیل اور بیت لحم سے گرفتار کی گئی دو فلسطینی اسیرات کو مدت اسیری پوری کرنے کے بعد بالآخر اسرائیلی فوج نے رہا کر دیا۔
انسانی حقوق کی تنظیم کے ذرائع نے بتایا کہ الخلیل سے فلسطینی اسیرہ آیت محفوظ کو اسرائیلی انتظامیہ نے منگل کے روز رہا کیا۔ آیت محفوظ ایک ماہ سے زائد اسرائیلی جیل میں قید رہیں اور انہیں ایک ہزار شیکل جرمانے بھی کیا گیا۔
تضامن فاونڈیشن نے اپنے بیان میں کہا کہ قابض اسرائیلی انتظامیہ نے ایک اور فلسطینی اسیرہ حبا محمد بدیر جن کا تعلق بیت لحم سے ہے کو گزشتہ چار ماہ ھیشرون اسرائیلی جیل کی نذر کرنے کے بعد رہا کیا۔ بیان میں مزید کہا گیا کہ جیل میں فلسطینی اسیرہ بدیر کو انتظامیہ کی جانب سے سونے پر پابندی اور دوائیوں کی ضبطگی جیسے سنگین مسائل کا سامنا رہا۔
واضح رہے کہ اسرائیلی زندانوں میں تاحال گیارہ فلسطینی اسیرات قید و بند کی صعوبتیں برداشت کر رہی ہیں۔
بشکریہ:مرکزاطلاعات فلسطین