(فلسطین نیوز۔مرکز اطلاعات) اسرائیلی فوج اور پولیس کی فوج پروف سیکیورٹی میں دسیوں یہودی آباد کاروں نے بدھ کے روز مسجد اقصیٰ میں داخل ہوکر مقدس مقام کی بے حرمتی اور مذہبی رسومات اور عبادت کی آڑ میں اشتعال انگیز حرکات کا ارتکاب کرتے رہے۔
رپورٹ کے مطابق بیت المقدس کےمقامی سماجی کارکن رضوان عمرو نے بتایا کہ بدھ کے روز درجنوں یہودی آباد ٹولیوں کی شکل میں قبلہ اوّل میں داخل ہوتے اور مذہبی رسومات کی ادائیگی کی آڑ میں مقدس مقام کی بے حرمتی کرتےرہے۔ اس موقع پر یہودیوں کو صہیونی حکام کی جانب سے فول پروف سیکیورٹی مہیا کی گئی تھی۔
رضوان نے بتایا کہ بدھ کو 75 یہودی آباد کار سادہ کپڑوں میں مسجد اقصیٰ میں داخل ہوئے۔ 19 نے فوجی وریاں پہن رکھی تھیں جب کہ قبلہ اوّل کی بے حرمتی کرنے ولے صہیونی شرپسندوں میں 31 انٹیلی جنس افسران بھی شامل تھے۔
عینی شاہدین نے بتایا کہ یہودی آباد کاروں کی بسوں کے ذریعے یہودی طلباء کو مسجد اقصیٰ کے قریب اتارا گیا جو بعد ازاں قبلہ اوّل میں داخل ہوئے اور تلمودی تعلیمات کے مطابق مذہبی رسومات ادا کیں۔