رام اللہ کی اسرائیلی بلڈنگ اینڈ پلاننگ کمیٹی نے انکشاف کیا ہے کہ اسرائیلی حکام نے مغربی کنارے کے علاقے اللطرون میں دو فلسطینی دیہاتوں یالو اور عمواس کی اراضی پر قائم یہودی بستی ”میفو ھورون” کو توسیع دینے کا منصوبہ تیار کرلیا ہے۔ یہ منصوبہ بندی 1967ء میں مغربی کنارے پر قبضے سے بھی قبل سے کی جا رہی ہے۔
یہودی آباد کاری امور کے ماہر خلیل التفکجی نے بتایا کہ یالو، عمواس اور بیت نوبا کے تین دیہاتوں کی اراضی پر طویل عرصے سے یہودی آبادکاری کے منصوبے جاری ہے۔ اسرائیل نے 1967ء میں مغربی کنارے پر قبضے کے بعد ہی یہاں پر کھدائیاں شروع کردی تھیں۔ قلقیلیہ اور بیت عوا کے ایک حصے کو منہدم کردیا گیا، لیکن ان تینوں دیہاتوں میں بڑے پیمانے پر انہدامی کارروائیاں کر کے اسرائیل نے 58 مربع کلومیٹر پر قبضہ کرلیا۔
فلسطینی تجزیہ کار کا کہنا تھا کہ اس فلسطینی اراضی پر نئی یہودی بستی تعمیر کی جائے گی اور اسے زراعت کے لیے بھی استعمال کیا جائے گا۔ دوسری جانب صہیونی حکام نے مقبوضہ بیت المقدس کی الشرف کالونی میں بھی تعمیرات کی مسماری کا کام جاری ہے تاکہ یہاں پر بھی ایک یہودی بستی تعمیر کی جا سکے۔
انہوں نے کہا کہ اسرائیل نے الغور کے علاقے کو فوجی ممنوعہ علاقہ قرار دے رکھا ہے۔ اور وہ فلسطینی اتھارٹی کے ساتھ مذاکرات میں اس علاقے پر مزید 30 سال تک اپنا قرضہ برقرار رکھنے کی بات بھی کرے گا۔
بشکریہ:مرکزاطلاعات فلسطین