(روزنامہ قدس ۔آن لائن خبر رساں ادارہ) صیہونی عدالت نے اسیر فلسطینی صحافی کو 8 دن کے جوڈیشل ریمانڈ پر مزید تفتیش کے لیے پولیس کے حوالے کردیا ہے۔
تفصیلات کے مطابق قابض صیہونی فوج نے فلسطینی صحافی عبدالرحمان الظاہرکو 27 اکتوبر کو مقبوضہ غرب اردن کے شمالی شہر نابلس میں شاہراہ 16 پرواقع ان کے گھر سے حراست میں لینے کے بعد اسرائیل کی فوجی عدالت ‘سالم’ کے جج کے سامنے پیش کیا تھا جہاں سے ان کے ریمانڈ میں دوسری بار 8 روز کی توسیع کی گئی ہے۔
واضح رہے کہ صیہونی فوج سینئر فلسطینی صحافی عبدالرحمان ظاہر کو اس سے قبل مسلسل 36 دن تک سیاسی بنیادوں پرقید وبند میں ڈال چکی ہے۔