مرکز اطلاعات فلسطین کے نامہ نگار کے مراسلے کے مطابق اسرائیلی وزیر برائے داخلی سلامتی کی جانب سے عدالت سے استد عاک کی گئی تھی کہ وہ فلسطینی سماجی رہ نما عدنان غیث کو انتظامی حراست میں رکھنے کا فیصلہ صادر کرے۔ عدالت نے اس درخواست کی روشنی میں اس پر عمل درآمد کرتے ہوئے عدنان کو پانچ ماہ کے لیے انتظامی قید میں ڈالنے کا ظالمانہ حکم جاری کیا۔ خیال رہے کہ عدنان غیث اور اس کے بھائی صادق کو چند روز پیشتر صہیونی فوجیوں نے حراست میں لیا تھا۔
بیت المقدس میں فلسطینی اسیران کے اہل خانہ پر مشتمل کمیٹی کے چیئرمین امجد ابو عصب نے کہا کہ جب سے بیت المقدس میں کشیدگی میں اضافہ ہوا ہے کہ اسرائیل کے سیاسی اور سیکیورٹی عہدیداروں فلسطینی شہریوں کی بڑی تعداد کو گرفتار کرکے انہیں انتظامی حراست میں رکھنے کی دھمکی دی ہے۔
خیال رہے کہ اسرائیلی وزیرداخلہ برائے داخلی سلامتی نے اپنے ایک دوسرے فیصلے میں بیت المقدس سے تعلق رکھنے والے نوجوان سماجی کارکن اسلام النتشہ کو بھی پانچ ماہ کےلیے انتظامی حراست میں رکھنے کا حکم دیا ہے۔