اسرائیلی حکام نے مغربی کنارے کے شہر طولکرم سے تعلق رکھنے والے فلسطینی مجلس قانون ساز کے رکن فتحی قرعاوی اور تاریخی شہر الخلیل سے تعلق رکھنے والے القسام بریگیڈ کے رہنما مجدی ابراھیم کو رہا کردیا ہے۔
اسرائیلی سکیورٹی فورسز نے دسمبر 2012ء میں فتحی قرعاوی کو گرفتار کرکے چھ ماہ کی انتظامی حراست میں منتقل کردیا تھا، بغیر کی فرد جرم اورعدالتی ٹرائم کے گرفتار کیے گئے رکن پارلیمان کی مدت حراست پوری ہونے پر آج انہیں نقب کی جیل سےرہا کرکے مغربی کنارے میں داخل ہونے کے لیے الظاہریہ راہداری لایا گیا۔ اس کراسنگ پر ان کے استقبال کے لیے فلسطینی اراکین پارلیمان اور ان کےاہل خانہ سمیت دیگر معروف فلسطینی شخصیات موجود تھیں۔
صہیونی عقوبت خانوں سے رہائی پانے والے دوسرے فلسطینی مجدی ابراھیم عاھد الجعبری کی عمر 35 سال ہے اور وہ ساڑھے پندرہ سال صہیونی قید میں رہ کر آزاد ہوئے ہیں۔
انہیں 24 نومبر 1997 کو القسام بریگیڈ کی ایک کارروائی کے دوران گرفتار کیا گیا تھا۔ وہ شہید محمود ابو ھنود کے ہمراہ اسرائیلی فوجی کے اغوا کی کوشش کر رہے تھے۔ دوران حراست مجدی ابراھیم ریمون، نفحہ اور نقب کی اسرائیلی جیلوں میں قید و بند کی صعوبتیں کاٹ چکے ہیں۔
بشکریہ:مرکز اطلاعات فلسطین