رام اللہ (روز نامہ قدس ۔آن لائن خبر رساں ادارہ) اسرائیلی جیلوں میں قید ایک فلسطینی بچے پر صیہونی جلادوں کا وحشیانہ تشدد جاری ہے۔ اطلاعات کے مطابق قابض اسرائیلی حکام نے 12 سالہ فلسطینی بچے ابراہیم محمد عبیات کے جسمانی ریمانڈ میں چوتھی بار توسیع کردی ہے۔
روز نامہ قدس کو موصول ہونے والی اطلاعات کے مطابق کلب برائے اسیران کی رپورٹ کے مطابق غرب اردن کے جنوبی شہر بیت لحم سے تعلق رکھنے والے 12 سالہ ابراہیم عبیات کو اسرائیلی فوج نے 28 نومبر کو حراست میں لیا تھا۔ اس پر یہودی آباد کاروں پر چاقو سے حملے کا الزام عائد کیا جاتا ہے۔
خیال رہے کہ اسرائیلی فوج نے 270 فلسطینی بچوں کو حراست میں لے رکھا ہے جن میں زیادہ تر ’’مجد ‘‘ اور ’’عوفر ‘‘ جیلوں میں قید ہیں۔