عوامی محاذ برائے آزادی فلسطین نے صدر محمود عباس کی جماعت فتح پر کڑی نکتہ چینی کرتے ہوئے جماعت کانام عباس ملیشیا کی حمایت میں استعمال کرنے کی شدید مذمت کی ہے۔
عوامی محاذ کا کہنا ہے ان کی طرف سے عباس ملیشیا کے مغربی کنارے میں نہتے شہریوں کے خلاف ہوئے کسی بھی آپریشن کی حمایت نہیں کی ہے۔ خیال رہے کہ فتحاوی قیادت کی جانب سے کہا گیا تھا کہ حال ہی میں
جنین میں اسلام پسندوں کے خلاف عباس ملیشیا کے کریک ڈاؤن میں جن جماعتوں نے حمایت کی تھی ان میں عوامی محاذ بھی شامل تھی۔
مرکز اطلاعات فلسطین کے مطابق عوامی محاذ کی جانب سے جاری ایک بیان میں کہا گیا ہے کہ جماعت کی طرف سے عباس ملیشیا کے کسی آپریشن کی کوئی حمایت نہیں کی گئی ہے۔ عوامی محاذ مغربی کنارے میں عباس ملیشیا کی کارروائیوں اور معصوم شہریوں کی پکڑ دھکڑ کی پہلے ہی مخالف رہی ہے اور آج بھی کھلے عام اس کی مخالفت کرتی ہے۔
عوامی محاذ کی جانب سے فتحاوی لیڈروں کے اس دعوے کو مسترد کر دیا گیا ہےجس میں کہا گیا ہے کہ رام اللہ میں منعقد کی گئی تنظیم آزادی فلسطین میں شامل کل جماعتی نیوز کانفرنس عوامی محاذ بھی شریک تھی۔ بیان میں واضح طور پر کہا گیا ہے کہ رام اللہ میں تنظیم آزادی فلسطین کی کسی کانفرنس میں عوامی محاذ شریک نہیں تھی اور نہ ہی جماعت نے عباس ملیشیا کے آپریشن کی حمایت کی ہے۔
جنین ۔۔۔ مرکز اطلاعات فلسطین