اسلام ٹائمز: دورے کے موقع پر فلسطینی صدر اپنے ہم منصب آصف زرداری، وزیراعظم راجہ پرویز اشرف اور دیگر حکومتی و سیاسی قیادت سے ملاقاتیں کریں گے۔
اسلام ٹائمز۔ فلسطینی اتھارٹی کے صدر محمود عباس تین روزہ دورے پر 16 فروری کو پاکستان پہنچ رہے ہیں، دورے کے دوران پاکستانی قیادت سے مسئلہ فلسطین کے حل، پاکستان کو فیصلہ کن کردار ادا کرنے اور مسلم اُمہ کے مسائل پر تفصیلی گفتگو کریں گے۔
دفتر خارجہ نے ذرائع کو بتایا کہ 2005ء اور 2010ء میں دورہ کے بعد فلسطینی رہنما تیسری مرتبہ 16 سے 18 فروری کے دوران پاکستان پہنچیں گے جس کے دوران وہ لاہور اور اسلام آباد
جائیں گے۔
محمود عباس اپنے ہم منصب صدر آصف علی زرداری، وزیراعظم راجہ پرویز اشرف اور دیگر حکومتی و سیاسی قیادت سے ملاقاتوں میں مشرق وسطیٰ میں تازہ ترین صورتحال،
فلسطین میں جاری اسرائیلی قابض افواج کی کاروائیوں، غزہ میں اسرائیلی بربریت، فلسطین اسرائیل امن عمل اور مسئلہ فلسطین کے حل کیلئے پاکستانی کردار پر تفصیلی گفتگو کریں گے