(روزنامہ قدس ۔آن لائن خبر رساں ادارہ) فلسطینی ریاست نے اسرائیل سے متعلق ‘سخت ردعمل’ دینے اور فلسطینی مقاصد کی حمایت کرنے پر وزیراعظم عمران سےاظہار تشکر کرتے ہوئے کہا ہےکہ پاکستان نے ہر فورم پر فلسطین کی حمایت کی ہے۔
اسلام آباد میں فلسطین کے سفارتخانے کی جانب سے جاری ایک بیان میں بھی فلسطین کے خلاف اسرائیلی جارحیت کی مذمت کرنےاور مظلوم فلسطینیوں کی اصولی حمایت کرنے پر حکومت کا شکریہ ادا کیا گیا۔اعلامیے میں کہا گیا کہ ‘فلسطینی پاکستان کو اپنا دوسرا گھر اور پاکستانیوں کا اپنا عزیز بھائی سمجھتے ہیں جنہوں نے ہمیشہ دنیا کے ہر فورم پر فلسطین کی حمایت کی’۔
پاکستان کا اصولی مؤقف رہا ہے جس میں انھوں نے ہمیشہ مظلوم فلسطینیوں کے مقصد کی حمایت کی ہے۔
جاری اعلامیہ میں کہا گیا ہے کہ اسرائیل کے بارے میں سوال کے جواب میں سفارتخانہ (وزیراعظم عمران خان) کے مؤقف کی دل سے داد دیتا ہے یہ فلسطین کے ساتھ پاکستانیوں کی محبت ہی ہے جو اسرائیل کے پاکستان کے ساتھ کبھی تعلقات قائم نہیں ہوسکے۔