مرکزاطلاعات فلسطین کے مطابق بیلجیم کے وزیرخارجہ ڈیڈیہ رینڈرز اپنے ایک بیان میں کہا ہے کہ انہیں بیت المقدس میں ’’رامات شلومو‘‘ کالونی میں مزید مکانات کی تعمیر کے اسرائیلی فیصلے پر گہری تشویش ہے اور بیلجیم ان تعمیرات کو قطعی غیرقانونی قرار دیتا ہے۔
انہوں نے مزید کہا کہ یورپی یونین فلسطین میں اسرائیل کی توسیع پسندانہ سرگرمیوں پر اپنی متفقہ رائے دے چکی ہے۔ یہ سرگرمیاں قطعی طورپر عالمی قوانین کی خلاف ورزی شمار ہوتی ہیں۔ انہوں نے یورپی یونین اور بین الاقوامی انسانی حقوق کےاداروں پر زور دیا کہ وہ یہودی توسیع پسندی کی روک تھام کے لیے اسرائیل پر دبائو ڈالیں۔
خیال رہے کہ اس سے قبل یورپی یونین کی خارجہ وسیاسی کمیٹی کی چیئرپرسن فیڈریکا موگرینی نے بھی بیت المقدس اور مغربی کنارے میں اسرائیل کی توسیع پسندانہ سرگرمیوں کو کھل کر تنقید کا نشانہ بنایا تھا۔
مسز موگرینی کاکہنا تھا کہ اسرائیل کیجانب سے متنازعہ تعمیرات کے نتیجے میں مشرق وسطیٰ میں دیرپا قیام امن کی کوششیں بری طرح متاثر ہورہی ہیں۔
بشکریہ:مرکزاطلاعات فلسطین