مرکز اطلاعات فلسطین کے مطابق یہ واقعہ کل جمعہ کو مغربی کنارے کے شہر جنین میں اس وقت پیش آیا جب ابو رمیلہ نماز جمعہ ادا کرنے کے بعد گھر واپس لوٹ رہے تھے۔ ذرائع کے مطابق فائرنگ کایہ واقعہ فتح کے درمیان پائے جانے والے اختلافات کا نتیجہ ہے اور فائرنگ میں ان کے سیاسی مخالفین ملوث ہیں۔
پی آئی سی کے مطابق عطاء ابو رمیلہ کی گاڑی پر جنین میں الجابریات کے مقام پر فائرنگ کی گئی۔ ذرائع کا کہنا ہے کہ ابو رمیلہ کی گاڑی پر فائرنگ فلسطینی اتھارٹی اور جنین کے شہریوں کے درمیان پائے جانے والے اختلافات کا نتیجہ بھی ہو سکتی ہے کیونکہ چند روز قبل فلسطینی اتھارٹی کے کئی عہدیداروں اور جنین کے مکینوں کے درمیان بھی جھڑپ ہوئی تھی۔
ذرائع کا مزید کہنا ہے کہ حملہ آور ابو رمیلہ کو نشانہ نہیں بنانا چاہتے تھی۔ یہی وجہ ہے کہ وہ بالکل محفوظ رہے ہیں۔ فائرنگ ان کے لیے مخالفین کی جانب سے ایک پیغام تھا کہ حملہ آور کچھ بھی کر سکتے ہیں۔
خیال رہے کہ حال ہی میں تحریک فتح کے مرکزی رہ نماؤں اور جنین میں فلسطینی اتھارٹی کے ضلعی گورنر میجر جنرل طلال دویکات کے درمیان سخت کشیدگی کی خبریں آئی تھیں۔